B. A. Europske mjeńšynowe rěcy

Mjazynarodny B. A. Europske mjeńšynowe rěcy jo nowy wědomnostny studium, do kótaregož w zymskem semestrje 2014/15 prědny raz imatrikulěrujomy. Studium jo do dalokeje měry identiski ze sorabistiku, rozeznawa se pak wót klasiskego studiuma sorabistiki w slědujucych dypkach:

  • tśeśe lěto studěrujo se we wukraju (tuchylu jano w Szczecinje)
  • wólbny wobłuk njejo lichy, ale wobstoj z dalšnych mjeńšynowědnych modulow (tuchylu mamy styri keltologiske module)
  • absolwent změjo wótzamknjenje dweju uniwersitowu

Wótpowědujucy M. A. se tuchylu hyšci koncipěrujo. Naźejamy se, až móžomy studentam póbitowaś studium, kótaryž jo glědajucy na fleksibelnosć pózdźejšego źěła a mjazynarodne wusměrjenje atraktiwnjejšy ako "klasiski" B. A. Sorabistika.

Aktualny pśespytowański pórěd inkl. plan studiumowego wótběga namakajośo how.

B. A. Mjenšynowe rěcy stoj teke w zwisku ze stawiznami města Lipska, kótarež jo profitěrowało wót irskego misionarizěrowanja a było kulturelny centrum Serbow až do 20. stolěśa. Mimo togo jo Lipsk był město intensiwnych keltologiskich slěźenjow.

slědna změna: 04.04.2017