IALT lěśojska šula

IALT lěśojska šula

Wót 17. do 20. julija 2017 jo se wótměła lěśojska šula wó rěčnej politice a rěcnem planowanju w romaniskorěcnych krajach. Jeje organizatory su byli wědomnostniki Instituta za nałožowanu linguistiku a translatologiju (IALT). Mjazy drugimi ekspertami stej wustupowałej uniw. doc. dr. hab. hab. Sabine Asmus a dr. Patrick McCafferty (Institut za sorabistiku). Teke doktorandy wót Sabine Asmus z tu- a wukraja su na lěśojskej šuli sobustatkowali. Wobźělniki su diskutěrowali gromaźe z drugimi ekspertami z Katalonskeje, Baskiskeje, Argentinskeje, Barlinja a drugich městow Nimskeje. Rěcne planowanje, towarišnostne zastupowanje a aktiwizm za mjeńšynowe rěcy su byli nejwažnjejše temy diskusijow. Nawězali su se kooperaciske zwiski z baskiskeju organizaciju z šćit baskiskeje rěcy, ako źěła na mjazynarodnem projekśe za rěcne pšawa "Protocol to Ensure Language Rights". Na tom projekśe su teke organizacije wšakich wjelich drugich mjeńšynow, mjazy drugimi kašubska "Kaszëbskô Jednota", waliziske towarstwo "Cymdeithas yr iaith Cymraeg" ako teke friziske, irske, galiciske, a okcitaniske towaristwa wobźělone.

slědna změna: 08.09.2017