5.12. Menna Elfyn na wopyće

5.12. Menna Elfyn na wopyće

Institut za sorabistiku prezentuje hromadźe ze studentskej iniciatiwu ERIU Lipsk walizisku spisowaćelku Mennu Elfyn (https://mennaelfyn.co.uk).

Menna Elfyn je so narodźiła w južnej Waliziskej a je jedna z najznaćišich waliziskorěčnych awtorkow we Waliziskej. Wona pisa basnje, dźiwadłowe kruchi (wjacore z nich su so předstajili na Broadwayju) kaž tež dźěćace a wěcne knihi. Jeje spisy su so do wjele rěčow přełožili.

Hižo wot 1980-ych lět wěnuje so wona feministiskim a ekologiskim temam a słuša k aktiwistkam rěčneho a měroweho hibanja swojeje domizny kaž tež mjezynarodnych organizacijow. W zašłych lětach je wona w poezijowej syći Multiple Versions sobu dźěłała. Wot lěta 2014 je Menna Elfyn profesorka za lyriku a kreatiwne pisanje na waliziskej uniwersiće Trinity Saint David.

Awtorka přednjese swoje basnje we walizišćinje. Do němčiny (a tež do serbšćiny) su je zdźěla studenća přełožili.

Moderacija a tołmačenje: prof. dr. Sabine Asmus

https://www.literaturhaus-leipzig.de/detail.php?type=v&id=1877

5. decembra w 19:30 hodź.
Literaturcafé (Haus des Buches)
Gerichtsweg 28, 04103 Lipsk

Zastup: 2,- euraj, wunošk je za ERIU.

https://sophiewillardvansistine.com/2019/11/09/campaigning-for-poetry/

poslednja změna: 04.12.2019