Wukonowy stipendij Załožby za serbski lud
Wupisanje wukonoweho stipendija Załožby za serbski lud za studij sorabistiki a wučerstwa serbšćiny na Lipšćanskej uniwersiće
a směrnica
Załožba za serbski lud wupisa wukonowy stipendij za studentow sorabistiki a wučerstwa serbšćiny jako připóznaće wusahowacych studijnych wukonow we wobłuku porjadneho studija.
Wuměnjenja požadanja:
- studij sorabistiki (Philologiestudiengang) abo studij wučerstwa – serbšćina (Lehramtsstudiengänge) na Lipšćanskej uniwersiće
- zakónčeny 2. semester
- wusahowace studijne wukony; wukonowy přerězk wšěch k posudźowanju relewantnych pruwowanjow a wědomostnych dźěłow zakónčeneho studijneho lěta njesmě hubjeńši hač 2,0 być
- towaršnostne angažowanje w serbskim zjawnym žiwjenju (wosebje tež w serbskim studentskim žiwjenju)
Spěchowanske zasady:
Wysokosć stipendija: 200,- € na měsac - stipendij spožča so za dwaj semestraj (12 měsacow)
- wukonowy stipendij spožča so jednotliwcam (w cyłkownym studijnym času) maksimalnje za štyri semestry
- wukonowy stipendij spožča so jenož w času regularneho studija (Regelstudienzeit)
- při změnje žadanych wuměnjenjow (zakónčenje abo přetorhnjenje studija za čas płaćenja wukonoweho stipendija) nima stipendiat prawo na dalepłaćenje stipendija
Požadanje:
Slědowace podłožki maja so zapodać:
- wupjelnjeny formular za požadanje wukonoweho stipendija
- dopokaz docpětych studijnych wuslědkow w zakónčenym studijnym lěće
- swójske wopodstatnjenje za spjelnjenje wuměnjenjow
Terminy:
Pisomne požadanja z wotpowědnymi podłožkami móža so lětnje wot 01. septembra hač do 30. septembra na Załožbu za serbski lud zapodać.
Póstowa adresa:
Stiftung für das sorbische Volk
Postplatz 2
02625 Bautzen.
Wo přiznaću wukonoweho stipendija rozsudźa fachowy wuběrk załožby. Ličba stipendiatow je wotwisna wot k dispoziciji stejacych hospodarskich srědkow.
Kóždy student dóstanje po rozsudźe fachoweho wuběrka pisomnu wotmołwu na swoje požadanje. Prošu so naprašowanjow wzdać.
Załožba za serbski lud