Witajće k nam!
Nowosće
Studentka wučerstwa Božena Hoyerec a Institut za sorabistiku w nowinach Tagesspiegel.
Kolega Till Wojto wuwučuje wot 24. do 28. julija delnjoserbšćinu na Šuli za delnjoserbsku rěč a kulturu w Choćebuzu.
Wot 17. do 20. julija wotmě so lětnja šula wo rěčnej politice a rěčnym planowanju rěčow w romaniskorěčnych krajach. Šula organizowaše so na Lipšćanskej uniwersiće. Organizatorojo běchu wědomostnicy IALT. Mjez wjele druhimi předstajichu tež štyrjo sobudźěłaćerjo Instituta za sorabistiku dale čitać
Dnja 12.07.2017 wopyta nas wulkopósłanc Irskeje w Němskej, Michael Collins. dale čitać
Institut za sorabistiku přeprošuje na zjawny kolokwij stipendiatow dale čitać
Dnja 11.05.2017, 17 hodź. w rumnosći 1216 DWC je prof. (ajp) dr. Lechosław Jocz wo kašubšćinje a stawiznach kašubšćiny přednošował. k wobrazam
Wopyt z Texasa: Profesor z Austin Community College Texas, Korla (Charles) Wukaš, je wutoru 9. meje wo Texas Wendish Heritage Society na Lipšćanskej uniwersiće přednošował. dale čitać
Z lěta 2015 zarjaduje Institut za sorabistiku slědźenski seminar dale čitać
Rjad wědomostnych přednoškow "Serbske nalěćo w Lipsku" je so organizował wot sobudźěłaćerjow Instituta za sorabistiku dale čitać
Werner Měškank, žurnalist a kurator Serbskeho Muzeja w Choćebuzu referowaše 27. jutrownika 2017 dale čitać
6. jutrownika 2017 je so w Lipsku po dlěšej přestawce zaso "Dolnoserbske bLIdo" wotměło. dale čitać
Sakska ministerka za wědomosć a wuměłstwo dr. Eva-Maria Stange a braniborska ministerka za wědomosć a kulturu Martina Münch stej so 23. měrca na wopyće w našim instituće wo našej dźěławosći a wo stawje wukubłanja wučerjow serbšćiny informowałoj. Rozmołwa běše dobry zakład za přichodne zhromadne dźěło mjezy Sakskeje a Braniborskej. foto: Christian Hüller
Institut za sorabistiku organizuje wot 17. do 21. meje 2017 wulět do Kašubskeje. Zaměr toho pućowanja je mj. dr., so zetkać z kašubskorěčnymi aktiwistami, z tamnej młodźinu a spisowaćelemi. Přizjewjenja prošu hač do 01.03.2017. Detajle namakaće tu. Kašubske zjednoćenstwo "Kaszëbskô Jednota" je k tomu stronu wuhotowało.
Institut za sorabistiku so přeco wobdźěluje na mjezynarodnych konferencach, organizowanych wot Instituta keltologije uniwersity w Szczecinje. W nowembru 2016 předstajichu Lipšćanscy studenća kulturny a wědomostny program na "Welsh Days" a nawuknychu tež wjele noweho wo mjeńšinowych rěčach a jich problemach. Přichodny raz pojědu studenća na "Irish Week" do Szczecina 21-24. měrca.
Što je sorabistika?
Sorabistika jako wědomostna disciplina zaběra so ze serbskimaj rěčomaj, literaturu a kulturu. Institucionelne stawizny sorabistiki w Němskej sahaja do 1950tych lět a su wusko zwjazane z wutworjenjom Instituta za serbski ludospyt w Budyšinje a ze załoženjom Serbskeho instituta w Lipsku. Slědźenje na polu sorabistiki w zwisku z fachowej didaktiku a tež dźensniši bachelorowy, masterski a wučerski studij na Lipšćanskej uniwersiće su po cyłym swěće jónkróćne.
Kwalifikowani a derje wukubłani absolwenća trjebaja so wosebje w šulach, institucijach a zarjadnišćach w Delnjej Łužicy w Braniborskej a w Hornjej Łužicy w Sakskej, dokelž ma tu serbskorěčna ludnosć zakótwjeny rěčny mjeńšinowy status. Tak wočakuje wjele staršich za swoje dźěći statnje garantowanu wučbu serbšćiny na dwurěčnych šulach. Tohodla poskićamy našim studentkam a studentam praktiske, fundowane wukubłanje, kiž kompetencu a wědomje za maćernu rěč a kulturu wuwiwa a skruća.
